data:post.body Juni 2019 ~ SIRI ZA AFYA BORA...
  • Karibu kwenye blog ya SIRI ZA AFYA BORA ujifunze mbinu bora za afya ili uweze kuwa na afya bora.

Recent Posts

FAHAMU TATIZO LA KUPATA CHOO NGUMU SANA NA MATIBABU YAKE.(CONSTIPATION)

constipation ni nini?
Hii ni hali ya kupata choo kubwa chini ya mara tatu kwa wiki, mara nyingi huweza  huambatana na dalili kama kupata choo kigumu sana, maumivu ya tumbo, tumbo kujaa,  au kuchukua mda mrefu sana kupata ukiwa chooni.
                                                       

chanzo ni nini?
sababu mbalimbali zinaweza kuchangia mtu kupata hali hii kama ifuatavyo.
chakula; kutokunywa maji ya kutosha na kutokula vyakula vyenye nyuzi nyuzi ni moja ya vyanzo vikuu vya tatizo hili, vyakula vyenye nyuzi nyuzi au fibre hufanya kazi ya kulainisha choo na kukifanya kisafiri kirahisi.
vyakula hivi ni kama mboga za majani, matunda kama maembe, papai, machungwa, machenza na kadhalika.
dawa; dawa nyingi sana zinasababisha mtu kupata choo ngumu, hivyo kama unapata choo ngumu huku unatumia dawa fulani ni vizuri kufuatilia ili kujua moja ya madhara yake,  dawa za maumivu, dawa za msongo wa mawazo, dawa za presha, dawa za kuzuia kuharisha, dawa za moyo na kadhalika.
kuzuia choo; ukijisikia kwenda chooni afu ukapuuzia kwa uvivu au kukosa sehemu ya kujisaidia basi choo kile kinaendelea kupungua maji kikiwa bado kwenye utumbo na siku ukipata muda wa kwenda chooni utakuta choo ni kigumu sana.
magonjwa; baadhi ya magonjwa huja na na asilia ya kusababisha choo ngumu, magonjwa ya utumbo mkubwa, kisukari, magonjwa ya figo na magonjwa ya mishipa ya fahamu huweza kusababisha mgonjwa kupata matatizo ya kupata choo.
magonjwa ya kuzaliwa nayo; kama mtoto mdogo akizaliwa akawa hapati choo basi kuna magonjwa ambayo yanapelekea hali hii, magonjwa hayo ni kama kuziba kwa sehemu ya haja kubwa kitaalamu kama impaforate anus na magonjwa ya mishipa ya fahamu ya utumbo mkubwa.

vipimo vinavyofanyika.
mara nyingi dakatari anaweza kuufahamu ugonjwa kwa maelezo utakayotoa tu lakini kama hupati choo kabisa vipimo kama x ray na colonoscopy hufanyika ili kuona chanzo cha kuziba kabisa kwa njia ya haja kubwa.

matibabu
matibabu ya hali hii mara nyingi hutegemea chanzo husika kama ifuatavyo.
kula vyakula sahihi; kama milivyoeleza hapo kwenye chanzo cha ugonjwa huu basi mgonjwa anatakiwa afuate mlo sahihi wa vyakula vya nyuzi nyuzi na maji mengi kupunguza tatizo hili.
dawa; baadhi ya dawa hutolewa kwa wagonjwa wa hali hii ili kuondoa dalili haraka, dawa hizo ni kama ducolax, lactulose na lubiprostone.
ukitumia dawa hizi ni vizuri ukakaa nyumbani kwani huweza kusababisha kuharisha.
enema; hii ni aina ya matibabu ambayo yanafanyika hospitali ambapo choo kilichokakamaa ndani ya tumbo huondolewa kwa kutumia vifaa maalumu, kiswahili wanaita kuinika.
upasuaji; lkiwa wagonjwa ambao hawapati choo sababu ya utumbo kujikunja tumboni kitaalamu kama intestinal obstruction basi upasuaji hufanyika ili kuuweka utumbo huo sawa, hali hii huambatana na kuvimba tumbo na kutapika sana,

madhara; 
madhara makubwa ya hali hii ni kupata bawasiri, michubuko ya sehemu ya haja kubwa na kudondoka kwa puru kitaalamu kama rectal prolapse.

                                                                           STAY ALIVE
                                                DR.KALEGAMYE HINYUYE MLONDO

                                                             0653095635/0769846183

HAYA NDIO MADHARA 11 YA KUPIGA PUNYETO…..{ MASTURBATION}





Punyeto ni nini?
Hii ni tabia ambayo mwanamke au mwanaume anajichua sehemu za siri ili kufika kileleni, mara nyingi kitendo hiki hufanyika na muhusika akiwa peke yake chumbani au bafuni.
Wahanga wengi wa tabia hii ni wanaume kwani huanza katika umri mdogo sana kwasababu ya uoga wa kufuata wasichana na kuangalia video za ngono ambazo huwasukuma kufanya vitendo hivi..
Lakini punyeto huambatana na madhara makubwa ya kijamii na kiafya na leo tutaangalia madhara hayo kumi ya punyeto..
  uchovu; baada ya kujichua watu wengi husikia uchovu mkubwa na kupitiwa na usingizi, hii inaweza kuathiri uwezo wako wa kazi au masomo na pia kama wewe unajichua kila siku basi muda mwingi utakua mlegevu tu.
hupoteza nguvu za kiume; somo la nguvu za kiume ni pana sana, yaani sababu za kupoteza nguvu za kiume hua ni nyingi ni lakini inapokuja kwenye punyeto mara nyingi mfanyaji hupoteza hamu ya tendo la ndoa yaani muda wote amaeridhika tofauti na watu ambao hawafanyi tendo hili ambao muda mwingi wanakua na uchu, lakini pia matumizi ya mikono migumu huweza kukuumiza na kuharibu mishipa ya fahamu inayoenda kwenye uume.
utasa wa muda kwa wanaume[temporaly sterility]; punyeto hupunguza sana kiasi cha mbegu kinachopatikana kwenye korodani, mtu anayejichua sana inafika hatua anatoa mbegu kidogo sana ambazo zinakua hazijakomaa kumpa mwanamke mimba.
kusahau sana; watu wengi wanaopiga punyeto wana tatizo la kusahau vitu vodogo vidogo yani short term memory yaani anaweza kuweka simu mezani afu akasahau ameiweka wapi, haifahamiki chanzo kikuu ni nini lakini madhara haya yameonekana wa wahanga.
kumwaga mbegu haraka[premature ejaculation]; watu wanaojichua mara nyingi hutumia muda mfupi sana ili kukidhi haja zao na kuendelea na mambo yao, ukizoea hali hii utamwaga haraka sana siku ukikutana na mwanamke halisi.
hali hii ni mbaya na hutia aibu kwani hutaweza kumridhisha mwanamke yeyote.
msongo wa mawazo; watu wanaopiga punyeto hua wana akili moja, hudhani kwamba leo wanafanya mara ya mwisho na hawatarudia tena, kitu ambacho sio kweli.
mara nyingi hujikuta wanarudia na kujuta sana baada ya kufikia mshindo.
utumwa(addiction); ukishaanza punyeto sio rahisi kuacha japokua inawezekana, muhanga hawezi kukaa muda mrefu asu siku nyingi bila kujichua na ili akili yake ikae sawa itabidi aende sehemu ajichue ili aweze kua kawaida..
huharibu mahusiano; punyeto huweza kufanya wapenzi kutokua na hamu ya kingono kabisa baina yao, kwani kila mtu anajiridhisha kivyavyake.
kutokuwepo na mahusiano mazuri ya tendo la ndoa ni moja ya sababu kuu ya kuharibika kwa mahusiano mengi.
uoga wa kutongoza; wanaume wanaojichua hawajiamini hata kidogo hivyo kusimama na kumfuata msichana ni ngumu sana sababu hawana kiu kubwa sana ya kua na mwanamke, hii ni kwasababu wanaweza kujitosheleza wenyewe.
huchochea mapenzi ya jinsia moja; mara nyigi wanawake hutumia vifaa mbalimbali kujichua, sehemu ambazo wanaishi wanawake watupu kama shule za wasichana vifaa vile inabidi vivaliwe na msichana mmoja ili kumsaidia mwenzake na hapo ndipo wanaanza kutamaniana na kuanza mahusiano ya kudumu.
ajali wakati wa kujichua; hasa upande wa wanawake na mashoga, siku hizi kuna ajali nyingi ambazo hutokea wakati wa tendo hili la kujichua hasa pale vifaa ambavyo sio rasmi kama ndizi, tango, au chupa zinapokataa kutoka ndani ya uke au sehemu ya haja kubwa. hali hii huweza kuhitaji upasuaji mkubwa kundoa vitu hivyo.
kama umeshindwa kabisa kuacha punyeto soma hapa...http://www.sirizaafyabora.info/2014/11/hizi-ndio-njia-saba-za-kuacha-punyeto.html
Mwisho: acha punyeto na uanze maisha mapya kiakili, kimwili na kiroho na acha kusema hii ndio punyeto ya mwisho sitarudia tena,  acha mara moja…
                                   

                                  MAWASILIANO 0653095635/0769846183
                                 
                                                                STAY ALIVE 

                                       DR.KALEGAMYE HINYUYE MLONDO

ZIFAHAMU AINA KUMI ZA WATU KWENYE JAMII AMBAO SIO WA KAWAIDA.(PERSONALITY DISORDERS)

Unaweza kusikia mtu kaua mpenzi wake ukashangaa sana, ukawaza  kwanini hakuachana naye tu?lakini duniani kuna aina za watu ambao wanachululia vitu tofauti na watu wengine.
huweza kufanya mambo ya ajabu sana ambayo mtu mwenye utu wa kawaida hawezi kufanya kabisa, ni vizuri kua makini sana kuanzisha mahusiano nayo kwani yanaweza kuishia pabaya sana.                           
                 
Personality ni nini?
personality au utu, ni ile hali au tabia inayomtambulisha mtu kwa watu, yaani ukitaja jina lake kwa watu wanajua huyu ni mpole, mkali, makarimu na kadhalika.
Kila mtu ana aina yake ya utu ambayo inakubalika kwenye jamii, kawaida kuna aina 16 za utu ambazo zote hizo ni za kawaida lakini kuna watu wachache ambao za kwao haziko sawa na kitaalamu ni wagonjwa wa akili lakini mtaani wanaonekana wanafanya kazi zao vizuri kabisa yaani sio watu wa kuokota makopo lakini mara nyingi wanakua wako tafauti sana na watu wa kawaida.
zifuatazo nia aina hizo kumi kama ifuatavyo.
paranoid personality; hawa ni aina ya watu ambao hawanaga imani na watu wengine, kila siku wana wasiwasi labda utafanya kitu cha kuwageuka au kuwaangamiza.
mara nyingi wanakua hawaamini hata ndugu zao ,wapenzi wao, rafiki zao au jamaa zao na siku zote hutumia muda mwingi kutafuta makosa kwao.
ukiwa kwenye mahusiano na mtu kama huyu, hua ana wivu sana na atakupigia simu muda wote au kupigia marafiki na watu walioko karibu kuhakikisha kwamba hauko unawasaliti lakini pia watakua na tuhuma za hapa na pale kwamba unawasaliti, watu kama hawa wanakua wakorofi sana kwenye mahusiano, huwafanya wapenzi wao watumwa na hata wakiachwa hawakubali, mwisho wa siku huweza kumuua mpenzi husika.
ukiwa na mtu wa aina hii na ukawa na hofu sana kwenye mahusiano ni vizuri kushtaki polisi kabla hajakudhuru.
schizoid personality; Ni aina ya watu ambao hawapendi kua karibu na watu wengine kabisa hata familia zao, hupenda kukaa peke yao na kufanya mambo.
mara nyingi hufikiri kwamba kua karibu na watu kunawanyima uhuru wao, watu hawa hua hawafurahii maisha sababu hawafurahii vitu vya ukaribu hasa mahuasiano na hua hawajali hisia za watu wengine.
ant social personality; hawa ni watu ambao hawajali kabisa jinsi watu wengine wanavyoumizwa na matendo yao, watafanya kila kitu au kitu chochote maisha yao yaende bila kujali kitu hicho kinaumiza watu wengine au vipi.
mara nyingi hupigana kirahisi na hawana ile roho ya kujisuta wenyewe yaani anaweza akaomba mkopo asilipe, akapita asisalimie jamaa zake, akajenga nyumba kwenye kiwanja sio chake, akadhulumu mali bila wasiwasi wowote.
borderline personality disorder;  hawa ni watu ambao hisia zao zinabadilika badilika sana, yaani anaweza kuamka asubuhi akiwa na furaha sana na mchana akawa hana furaha, hua wana wasiwasi sana kwamba watu wanataka wawaache peke yao na watafanya chochote kuzuia hilo.
hua na hasira sana na hutumia muda mwingi kupambana nazo, hujisikia wako peke yao muda mwingi, na hupata mawazo ya kujidhuru wakati mwingine,
hali hii huwafanya watu hawa kushindwa kukaa kwenye mahusiano na huishia kuachana.
histrionic personality disorder; hawa ni aina ya watu ambao hawawezi kukaa katikati ya watu bila kujaribu kupata macho ya kila mtu kwao au "attention", hujaribu kufanya chochote ili waweze kuongelewa na kila mtu.
mara nyingi tabia zao hutegemea watu ambao wako nao, na hawawezi kufanya kitu wao wenyewe bila kuapata mawazo kutoka kwa watu wengine.
narsissistic personality; hawa ni watu ambao wanaamini kwamba wao ni spesho sana kuliko watu wengine, hupenda kutambulika kila sehemu wanayoenda. ni wachoyo na wanapenda kuwashusha watu wengine imradi tu wao wawe juu.
hupenda kusifiwa kwa chochote wanachofanya na hujisikia vibaya sana kama mtu asipowatambua.
avoidant personality; hawa ni watu ambao wanapenda kujitenga sana na mikusanyiko ya watu au watu wachache, mara nyingi huogopa kukataliwa kwa chochote wanachofanya hivyo huogopa kufanya vitu vipya, kuomba kazi au kuomba mahusiano yeyote kwa kuogopa kukataliwa.
hufurahia kukaa peke yao bila kujichanganya na watu wengine.
dependant personality;  hawa ni watu ambao hawajiamini kabisa kwenye maisha yao na hawawezi kufanya maamuzi yeyote.
hupenda kuwategemea sana watu kwa kila kitu, kama kifedha, kufanya kazi, mahusiano na kadhalika.
watu wa aina hii hawawezi kua peke yao, yaani akitoka kwenye mahusiano haya huingia kwenye mahusiano mengine haraka.
obsessive compulsive personality disorder;  hawa ni watu wenye wasiwasi sana kuhusu kesho yao, hivyo hukaa wakijiandaa kwa lolote.
hupenda kuweka kila kitu kwenye mpangilio maaalumu yaani hawawezi kuvumilia kukaa sehemu ambayo haijapangwa au chafu.
lakini pia hawapendi kutumia pesa zao kwao au kwa watu wengine na muda mwingi wanaweza kukaa na vitu ambavyo vimeisha na hawana kazi navyo.
schizotypal personality; ni aina ya watu ambao hua wakua tofauti kabisa mbele za watu, wanaamini kwamba wana nguvu ya ziada ambayo ni tofauti na wengine kwamba wanaweza kusoma mawazo ya mtu, kutambua mchawi, kumtambua mwizi na kadhalika.
hutumia maneno ambayo sio ya kawaida kujitambulisha na kuwafanya watu wawashangae sana.
mwisho; hakuna matibabu maalumu ya aina hizi za watu kwani huweza kufanya mambo mengine kawaida kama watu wengine, sema baadhi yao wanakua na hatari ya kushtakiwa na kufungwa kwa kufanya vitu ambavyo sio vya kawaida huku wakiona ni kawaida kwao.
Kwa nchi zilizoendelea huweza kutambuliwa na kupewa dawa za kuwatuliza kidogo.

                                                           STAY ALIVE
  
                                   KALEGAMYE HINYUYE MLONDO
                                           0653095635/0769846183

HIZI NDIO SABABU ZINAZOPELEKEA MWANAUME KUA SHOGA.

Swala la ushoga limeleta mijadiliano mikali sana kwenye nchi mbalimbali huku nchi zingine zikiwaunga mkono mashoga, wakati huo huo nchi zenye misimamo mikali ya kidini zikiwapa adhabu kali za vifungo vya gerezani.
                                                               
mashoga hupingwa sana na dini mbalimbali za kikikristo na kiislam, dini hizo zikidai kwamba wanachokifanya ni chukizo mbele za mungu na wataishia motoni.
lakini pia mashoga hupingwa sana na kwenye nchi za afrika ambazo zina maadili yao amabyao hayaamini kwenye ushoga tofauti na nchi zilizoendelea ambazo ubaguzi wa mashoga hauna nguvu sana.
baadhi ya nchi zilizoendelea mashoga ni kundi maaalumu ambalo hupewa vipaumbele hata kwenye ufadhili wa kusoma vyuo vikuu.

msimamo wa kitaalamu kuhusu mashoga ukoje?
kitengo cha madaktari wa akili huko nchini marekani kinachofahamika kama THE AMERICAN PSYCHIATRIC  ASSOCIATION ilikua ikiwatambua mashoga wote au watu wote wenye mahusiano na jinsia moja kama wagonjwa wa akili.
lakini mwaka 1970 kitengo hichi kiliacha kuwatambua watu hawa kama wagonjwa wa akili sababu waliweza kuendelea na shughuli zao za kikazi kama kawaida kama watu wengine bila msaada wowote hivyo waliona hakuna haja ya kuwatambua watu hawa kama wagonjwa wa akili.
lakini bado swali linakuja, je kwanini mtu anaamua kua shoga? tafiti mbalimbali zilizofanyika zilikuja na majibu yafuatayo.
Genetics; mwaka 1990 utafiti ulifanyika na ambao ulikuja na majibu kwamba chromosome X ambayo inatoka kwa mama kwenda kwa mtoto wa kiume hua inakua imebeba vinasasaba tofauti tofauti ambavyo vinaweza kumfanya mtoto huyu wa kiume akawa shoga.
tafiti hii iligundua kuwepo kwa vinasasaba hivi kwenye asilimia hamsini mpaka sitini ya mashoga waliofanyiwa utafiti.
sababu kibailojia;  tafiti zingingine mpya zinasema kwamba kuna mabadiliko ya homoni ambayo yanatokea kwenye mfuko wa uzazi wa mama kabla mtoto hajazaliwa.
mabadiliko haya huathiri ubongo wa mtoto kwa njia ambayo haijafahamika na kumfanya atoke akiwa na tabia hizi za kushiriki mapenzi ya jinsia moja.
kitaalamu mwanaume akiwa kwenye mfuko wa uzazi anakua na vinasasaba vya kiume yaani XY lakini anakua na maumbile ya kike mpaka wiki sita ambapo homoni za kiume huingilia kati na kuanza kumtengenezea maumbile ya kiume, lakini homoni hii ikipata shida kidogo mtu anaweza akatoka na maumbile ya kiume lakini hajakamikika.
ushahidi kwamba mwanaume alikuwa mwanamke kabla ni uwepo wa matiti kwa mwanaume ambayo hayana kazi, na kufanana sana kwa kazi kati ya kinembe na uume.
mazingira; baadhi ya tafiti zinaamini kwamba mazingira ambayo mtoto anakuziwa yanaweza kumfanya awe shoga.
yaani kutunzwa na mama muda mwingi na kua na baba mkali ambaye hana muda na mtoto, kuishi na dada zake tu bila kuwepo watoto wengine wa kiume, kuanza kuingiliwa kinyume na maumbile akiwa mtoto mdogo, kuona swala la ushoga kwenye TV na kulichukulia kawaida, kutokemewa kwa tabia za kishoga akiaanza kuzionyesha utotoni na  umaskini wa kipato.
lakini pia baadhi ya watu hua mashoga sababu ya kuiga mambo au kujaribu kila kitu ujanani.
kuna watu ambao ukiwaona mtaani hawana dalili hata moja ya ushoga kimuonekano lakini ni mashoga.
mfano ukiangalia soko la mitindo au modeling Tanzania lina watu wengi sana wa mapenzi ya  jinsia moja ambao kwa hali ya kawiada ni rahisi kujua kwamba hawa watu wanafanya mambo haya kama kwa kuigana au kulazimika kufanya hivyo sababu ya shida sio kwamba walizaliwa hivo.
lakini pia baadhi ya tafiti zilikuja kupinga hoja kwamba watoto waliozaliwa kwenye mazingira ya kishoga hua mashoga kwani kuna watu wengi ambao wamelelewa na wapenzi wa jinsia moja lakini wakakua na kutojihusisha na mambo hayo ya ushoga na pia kuna wazazi ambao wamezaa watoto mashoga japokua wao sio jinsia moja.
baadhi ya mashoga walihojiwa wanasema kwamba wao walizaliwa wa kiume japokua moyoni walijihisi wa kike.
walipambana sana ili wasiingie kwenye tabia hiyo ya jinsia moja kwa kutafuta wapenzi wa kike na hata kujaribu kushiriki tendo la ndoa na wanawake lakini hawakupata hisia zozote huko na baadae walaiamua kukubaliana na hali zao za jinsia moja.
mwisho; wataalamu wanaamini kwamba asilimia kubwa ya watu ambao ni mashoga hawakua vile kwa kuamua lakini kwa kuwepo kwa sababu mbalimbali za kibailojia, mabadiliko ya homoni, na mazingira waliyokulia.
japokua baadhi ya tabia za kishoga kwa baadhi ya mashoga zingeweza kuzuiliwa kwa kuzikemea tabia hizi, hasa zinazosababishwa na mazingira.

                                                               STAY ALIVE...

                                    DR.KALEGAMYE HINYUYE MLONDO
                                                  0769846183/0653095635

NJIA KUMI ZA KUPUNGUZA TUMBO BAADA YA KUJIFUNGUA.


baada ya kujifungua wanawake wengi hujikuta bado wana matumbo makubwa yaani wakati mwingine watu wasiokujua wanaweza wakahisi bado haujazaa, lakini ukweli ni kwamba inakuchukua miezi tisa kulivimbisha tumbo hilo hivyo hata kulipunguza huchukua muda fulani.
                                                                         
kwa kawaida kizazi kinachukua wiki mbili kurudi hali yake ya kawaida lakini mafuta yaliyoko eneo la tumbo yawezi kuondoka  kirahisi kama usipochukua hatua yeyote.
                                                                   
kitu gani kinafanya mwanamke apate tumbo baada ya kujifungua?
kwa kawaida mwanamke huongezeka kilo 12 akibeba mimba hii ni kutokana na uzito wa mtoto, uzito wa  kondo la nyuma na ulaji wa chakula ambao mtoto anauhitaji sana ili kukua lakini baada ya kujifungua mama  hupunguza kilo sita tu na  kilo sita zingine hubaki kama mafuta eneo la tumbo.

inachukua muda gani hasa kwa tumbo la uzazi kuondoka?
baadhi ya wazazi huchukua siku kadhaa, baadhi huchukua miezi kulingana na bidii ya mwanamke husika ya kulitoa tumbo baada ya kujifungua.

mambo ya kuzingatia ili kuliondoa tumbo la uzazi...
nyonyesha mtoto; kunyonyesha mtoto sio kuna ongeza kinga ya mtoto tu lakini kunasababisha kuongezeka sana kwa homoni ya oxytocin ambayo inahusika na kupunguza ukubwa wa kizazi na kuzuia homoni za uzazi ambazo zinahusika na kuongeza ukubwa wa kizazi wakati mwanamke ana mimba.
wanawake wengi wa siku hizi hawanyonyeshi kwa sababu za kiurembo lakini nakwambia wengi wao huishia kua wanene sana kwa kukosa faida hii.
vaa mkanda wa tumbo; hii ni njia ya kiasili na kizamani zaidi kwani imetumika kwa miaka mingi na watu wa rangi mbalimbali duniani.
mkanda wa tumbo husaidia kuikaza misuli ya tumbo na kuongeza kasi ya kupungua kwa ukubwa wa kizazi.
ukiwa unavaa mkanda wa tumbo au unafunga kitambaa chochote hakikisha haukazi sana au kulegeza sana ili uweze kupata matokeo mazuri.
kwa matokeo mazuri zaidi, mkanda huu uvaliwe kwa  wiki nne mpaka sita baada ya kujifungua.
fanya mazoezi; mazoezi husaidia sana kupunguza tumbo la uzazi, sio lazima kufanya mazoezi mazito sana lakini unaweza kutembea, kukimbia kidogo, kuruka kamba,cardio na kadhalika, na utapata matokea mazuri sana ndani ya muda mfupi,
fanya mazoezi angalau dakika 20 mpaka 30 kwa siku hasa pale mtoto anapokua amesinzia.
kula kwa uangalifu na epuka diet kali sana; wanawake wengi hupaniki baada ya kuzaa na  huanza kufunga kula na kuruka chakula ili wapungue haraka kitu ambacho sio kizuri kwako na kwa mtoto.
kipindi hiki bado unahitaji chakula cha kutosha ili uweze kupata maziwa mengi ya kumpa mtoto, hivyo punguza sana ulaji wa vyakula vya wanga kama ugali, mihogo, wali, ndizi na acha kabisa kula wanga ambao sio muhimu kama chips, sukari, biskuti, soda,maandazi, na fast food zote.
kula zaidi vyakula vya protein kama nyama, samaki, dagaa, maharage na karanga huku ukichanganya na mboga za majani na matunda kwa wingi.
kumbuka ni vizuri kula kidogo kidogo angalau mara sita kwa siku kuliko kula milo mitatu mizito.
pumzika; ni kweli mtoto hua anasumbua sana lakini mtoto akitulia na wewe pumzika ili upate usingizi wa kutosha.
kwa hali ya kawaida kama mama hupati usingizi mwili wako unakua katika hali ambayo sio ya kawaida, hali hii huvutia mafuta katikati ya tumbo na kukufanya uendelee kua mnene.

kunywa chai ya kijani[green tea]; majani haya yamejizolea umaarufu duniani kote kwani huondoa sumu mwilini na kusaidia sana kwenye uchomaji wa chakula kwenye mwili wa binadamu.
kwa kutumia majani ya chai haya kila siku hukusaidia sana kupunguza kitambi cha uzazi.
                                                         
kunywa maji ya uvuguvugu; kunywa maji ya uvuguvugu asubuhi na hata mchana ukisikia kiu, unaweza kuchanganya na limao kidogo.
maji ya uvuguvugu huongeza kasi ya uchomaji wa mafuta ya mwili kwa kuongeza joto na kuondoa nje sumu ya mwili.
massage ya mwili; massage ni muhimu sana hasa zile sehemu ambazo zinaonekana zina mafuta sana maeneo ya tumboni.
massage pia husaida metabolism  au uunguzaji wa mafuta na ni vizuri ukaikafanyika hasa baada ya mazoezi.
epuka msongo wa mawazo; msongo wa mawazo humwaga homoni aina ya cortisol kwenye damu ya mtu, homoni hiii husababisha kuchoka  na kuongezeka uzito.
hakikisha mambo yako umeyapangilia vizuri na hata kama kuna kitu unaona kinakupa mawazo sana basi usikipe nafasi, amini matatizo yapo kwa kila mtu na yataisha tu.
kula mboga za majani nyingi; mboga za majani husaidia mmengenyo wa chakula, huondoa sumu ambazo zinajikusanya kwenye utumbo mkubwa, pia zina virutubisho vingi na uzito mdogo[calories] kiasi kwamba hata ukila nyingi haziwezi kukunenepesha...hii husaidia kupunguza uzito.
                                                                       
                                                             
mwisho;hakuna uzazi rahisi, mara nyingi ukijifungua lazima uongezeke uzito..hivyo ni wajibu wako kupambana na uzito huo mpaka urudi kwenye hali yako ya kawaida.
kuendelea kua mnene baada ya kujifungua kuna madhara mengine baadae ikiwemo kisukari, shinikizo a damu, ugonjwa wa moyo na uzazi mgumu wa mimba zijazo..

                                                               STAY ALIVE
                                         DR.KALEGAMYE HINYUYE MLONDO
                                                        O653095635/0769846183

THESE ARE 3 THINGS YOU MUST DO AFTER HAVING AN ABORTION...

                                                                                                                                                                                                                     
Abortion rate has increased a lot now days , researches shows that its because of early involvement in sexual relationships in this century, negligence in using birth control method, and presence of many abortion pills which are sold as the over counter medications especially in third world countries..research adds that in every 3 women 1 will do an abortion before the age of 45. abortions have caused many complications and deaths especially in less developed countries compared to developed countries because of the health system available..now if someone gets her abortion in hospital, she is in safe side but if you abort at home by using abortion pills or any other method then there are things you must do.

go to hospital and meet a doctor; tell him or her the truth, the doctor will prescribe you antibiotics and other drugs which will hep you to recover early and prevent you from infections. he may also do a pelvic utrasound to see if there is anything wrong with uterus, ovary, fallopian tube, cervix and e.t.c...check for sexual transimitted disease which most of the time are accompained with unsafe sex.failure to do this may cause permanent  infertility in future.

choose a best birth controll method and use it; i know some women who have done more than five abortions..i call it carelesseness because you have a chance of choosing a birth controll method which will suit you and avoid further conceptions after aborting once.they say birth controll  methods are harmful but am telling you multiple abortions effects are worse than using those birth controll method. i would recommend an implant with oestrogen which is inserted in the upper arm because its one of the best.

meet a psychotherapist: some women feel guilt after abortion, they feel guilt for what they have done in their lives.they feel like they deserve punishment for it, they feel like they have offended their god and some get nightmares when they sleep, seeing the dead children they have killed.well, its all in your mind..the past is the past.it cant be changed so what you need to do now is fix the future and move on.if you believe in god then go and repent your sins and believe in forgiviness and if you dont believe in god just move on with your life.so by visiting a psychotherapist you will get more of this informations and be released from your guilt chains.

                                                            STAY ALIVE

                                    DR.KALEGAMYE HINYUYE MLONDO
                                             CONTACTS; +255653095635

UKIONA HIZI DALILI UJUE MWANAMKE WAKO ANAKUSALITI.(SAIKOLOJIA)

Usaliti sio kitu kigeni kwenye dunia ya mahusiano, tafiti zinaonyesha kati ya watu wanne waliko kwenye mahusiano basi mmoja wao anamsaliti mwenzake.

unaweza kuona jinsi gani tatizo la usaliti ni kubwa sana kiasi kwamba linaweza kuhatarisha mahusiano mengi.                                                         
                                                                       
swala la kiafya ni muhimu zaidi kuliko kuharibika kwa mahusiano kwani magonjwa mengi ya kuambukizwa kama ukimwi hupata upenyo sehemu kama hizi.
makala ya leo ntazungumzia dalili za wanawake wanaosaliti kwani zinakua tofauti kidogo na zile za wanaume lakini pia makala ijayo ntazungumzia upande wa wanaume.
Asilimia kubwa ya wanawake husaliti wenza wao kwenda kutafuta mapenzi ndio maana usaliti ukishaanza kutoka kwa mwanamke basi mahusiano hayo huenda yamefika mwisho lakini pia baadhi ya wanawake wachache husaliti kwa sababu za kuongeza kipato, ndio maana utakuta mwanamke anajiuza lakini kuna mtu anampenda sana. japokua kila siku anabadilisha wanaume.
zipo sababu zingine nyingi lakini ntaziongelea makala zijazo.
sasa kama uko kwenye mahusiano na mwanamke muda mrefu au hata muda mfupi na dalili hizi zikaanza kujitokeza basi ujue mtu huyo anakusaliti, anaweza asionyeshe zote lakini kama unaziona kua makini.
Anaficha simu yake; mwanamke anayekusaliti mara nyingi akija kwako  kwanza atakua hapendi kukaa sehemu ambayo wewe unaona kioo cha simu yake akiwa anachati, pili simu yake mara nyingi itakua haina sauti na baadhi ya simu atakua hazipokei kwa madai kwamba watu wanamsumbua.
lakini kitu cha msingi kabisa hata ukitishia kuchukua simu yake atabadilika sana na huenda akakuzuia hata kama unataka kupiga simu kutumia simu yake.
kipindi hiki kutakua kuna namba moja ambayo anawasialiana nayo sana lakini kwa siri sana kwani anashindwa kuchati kwa uhuru mbele yako.
muda mwingi watu hawa watakwambia kwamba kila mtu asishike simu ya mwenzake lakini hizo ni sababu za kujilinda, wapenzi wa kweli hawafichani chochote kile.
anajishtukia sana; kwa hali ya kawaida ukimpigia simu mtu ukamuuliza yuko wapi atakupa jibu rahisi sana kwamba niko sehemu fulani lakini mwanamke msaliti hawez kujibu swali hilo kirahisi, ataanza kukuuliza kwanini unamuuliza hilo swali? kwani kuna nini?
lakini pia atakua anakwepa maswali yeyote kutoka kwako ili asiweze kujichanganya kwenye maelezo yake.
huenda anahisi umemona sehemu ambayo sio kawaida au umeambiwa kitu wakati wewe hujui lolote.
hataki tena mahaba na wewe; mwanamke huyu ataanza kukupa sababu mbalimbali za kutoshiriki tendo la ndoa na wewe, kumkumbatia au kumbusu.
anaweza kuanza kua bize sana, kusingizia uchovu sana au kujifanya mgonjwa au kutokua na hamu kabisa ya tendo la ndoa wakati wewe unafahamu kwamba ni mtu ambaye kwa miaka yote alikua ni mpenzi wa hivyo vitu lakini leo ghafla havitaki tena.
wakati mwingine unaweza kushiriki naye tendo la ndoa lakini hatakua pale kihisia na mwisho wa siku itaonekana humridhishi.
kumbuka yule anayekusaliti kwa mambo ya pesa sehemu hii ya mahaba inaweza isibadilike kabisa.
ratiba za siri; mtu ambaye ulikua unajua ratiba zake vizuri kwa muda mrefu lakini siku hizi anaanzisha safari ambazo hazikuwepo, anafanya mambo ya siri sana ambayo wewe mwenyewe kama mpenzi wake unajua alitakiwa akushirikishe.
wanawake ni watu ambao wanapenda sana kuwahusisha wanaume wao na mambo wanayofanya ili kupata ushauri hivyo ukiona hakuulizi kitu ujue kuna tatizo.
yuko bize sana; huenda mwanzoni ulikua una uwezo wa kumshtukiza mkatoka kwenda kula au kwenda kutembea sehemu lakini siku hizi hataki mambo hayo.
anataka chochote mnachotaka kufanya mpange siku kadhaa kabla ili aweze kujua ni muda gani wa kutumia na wewe na muda gani wa kwenda kwa wanaume wengine.
hataki kuzungumzia ndoto zenu; mara nyingi mwanamke huyu hataki kusikia habari zenu wewe na yeye kuhusu maisha ya baadae, atakua hataki kuzungumzia kwani yeye hajioni akiwa na wewe.
wanawake ni watu ambao wanapenda sana kua siriazi na mahusiano mpaka ndoa hivyo ukiona hakuulizi chochote ujue hauko peke yako tena wewe ndio mwanaume wa pembeni.
anakutuhumu kwamba unamsaliti; mwanamke huyu anakua ana hofu kubwa kwamba huenda utamgundua, hivyo kuepusha shari hili ni kukutuhumu sana wewe huku akiwataja wanawake ambao huenda ni wafanyakazi wenzako au ni rafiki zako tu kwamba unatoka nao.
hii ni njia ya kufanya ili kukupoteza wewe ushindwe kuoana mambo yake.
anataka kua peke yake kwa muda(break); mara nyingi wanawake hua hawapendi kukaa bila mahusiano ndio maana ukiachana naye leo utasikia wiki ijayo kapata mpenzi mpya.
sasa ukisikia mwanamke anakwambaia kwamba anatake break kwa muda basi hana uhakika kama yuko tayari kuachana na wewe hivyo anaenda kujaribu mahusiano mapya na kwasababu wewe utakua sio mpenzi wake kipindi hicho basi utakua huna uwezo wa kumuuliza chochote.
mabadiliko ya muonekano wake: mara nyingi mkizoeana sana kwenye mahusiano mnakua hamtumii muda mwingi kutaka kuonyeshana mionekano yenu.
mara nyingi mwanamke akipata mwanaume mpya anaweza akaanza kuvaa nguo za ndani ambazo sio za kawaida yaani zile zinazomuonyesha vizuri, hata uvaaji wake  wa nje unaweza kubadilika sana ili kumuonyesha huyo mwanaume mpya.
anakukwepa wewe na jamaa zako;  mara nyingi anakua hataki tena kutumia muda mwingi akiwa na wewe, huenda alikua anakupigia simu mara kwa mara ili muonane lakini siku hizi anakwambia ukae tu na marafikiki zako lakini pia kama ulikua umemtambulisha kwa ndugu zako na rafiki zako atakua anawakwepa kwasababu ya mambo anayoyafanya na anajua nyinyi hamuendi popote ili siku mkiachana hao watu wasimsumbue.
anakwepa macho yako; macho ni kioo cha roho ya binadamu, mtu akishindwa kukuangalia usoni basi kuna siri anaificha na anajiona msaliti kwa kinachoendelea.
hawezi kukuambia kwamba anakupenda; kwenye hatua za mwisho kabisa neno "nakupenda" anashindwa kulitamka kwa amani kwani hamaanishi tofauti na mwanzo ambapo alikua anakukumbusha mara kwa mara jinsi gani anakupenda.
mwisho; mwanamke akishaanza kukusaliti hakuna unachoweza kufanya kumrudisha, ukiona dalili hizi basi jiandae kisaikolojia kwa ajili ya maumivu ya kuachana, inaweza kua ngumu kukubaliana na ukweli lakini kuachana naye ni suluhisho ambalo hutalijutia baadae.

                                                       STAY ALIVE

                                       DR.KALEGAMYE HINYUYE MLONDO.
                                                 0769846183/0653095635

FAHAMU CHANZO NA MATIBABU YA UGONJWA WA MAWE YA FIGO.(KIDNEY STONES)

Mawe ya figo ni nini?
Hivi ni vitu vigumu kama mawe ambavyo vinatengenezwa na madini mbalimbali yanayopatikana mwilini na kujihifadhi kwenye figo.
madini haya yanaweza kua ya kashiamu, uric acid, struviate na cystine.
                                 
chanzo cha mawe ya figo.
Hakuna chanzo cha moja kwa moja cha mawe ya figo kinachofahamika lakini sababu mbalimbali zinaweza kuchangia kuwepo kwa mawe haya.
mawe ya figo mara nyingi hutokea pale ambapo madini niliyotaja hapo juu yanakua mengi kwenye mkojo kuliko kiasi cha maji ambacho kinatakiwa kuyayeyusha madini hayo, wakati huo huo njia ya mkojo inaweza kukosa vitu ambavyo kibailojia hufanya kazi ya kuondoa  madini hayo.

mambo ambayo yanaweza kuchangia kutokea kwa mawe ya figo.
familia; kama kuna ndugu yako ambaye ana mawe ya figo basi hata wewe uko kwenye hatari ya kuugua ugonjwa huu, na kama ushapata jiwe moja la figo ukatibiwa basi uwezekano wa kuendelea kupata mengine ni mkubwa sana.
kuishiwa na maji mwilini; kutokunywa maji ya kutosha kunaweza kuchangia sana mtu kupata tatizo hili la mawe ya figo, watu ambao wanaishi maeneo ya joto sana na watu ambao wanatokwa sana na jasho wako kwenye hatari sana ya kuugua ugonjwa huu.
baadhi ya vyakula; kula sana vyakula vya protini kama nyama, samaki, karanga, korosho huchaagia kupata mawe ya figo, lakini pia vyakula vyenye sukari na chumvi nyingi ni moja ya vihatarishi vya mawe ya figo.
kua mnene; uzito uliopitiliza, kiuno kikubwa na kitambi ni moja ya sababu zinazoweza kukupelekea kuugua ugonjwa huu wa mawe ya kwenye figo.
magonjwa ya tumbo;  baadhi ya magonjwa ya tumbo yanaweza kuzuia uwezo wa tumbo kumeng'enya madini ya kashiumu yanapofika tumboni na kuyafanya madini hayo yaende moja kwa moja kwenye figo kwa ajili ya kuchujwa, hii inaweza kupelekea kutengenezwa kwa mawe hayo.
mfano wa magonjwa hayo ni kuharisha sana, na baadhi ya upasuaji wa kuondoa sehemu ya tumbo.
magonjwa mengine; magonjwa mengine kama ya figo, baadhi ya dawa na magonjwa ya njia ya mkojo huweza kupelekea mtu kupata mawe ya figo.

dalili ya mawe ya figo.
  • maumivu wakati wakukojoa.
  • maumivu yanyobadilika ukali.
  • maumivu mgongoni na chini ya mbavu.
  • maumivu tumbo la chini na sehemu za siri.
  • mkojo mwekundu.
  • mkojo unaotoa harufu kali.
  • kichefuchefu na kutapika.
  • kukojoa mara kwa mara.
  • kukojia mkojo mdogo sana.
*maumivu ya mawe ya figo huweza kuhama hama kutokana na mawe ya figo yenyewe kuhama ovyo kutoka sehemu moja kwenda nyingine.

vipimo vinavyofanyika kwa wagonjwa hawa.
  • vipimo vya damu; vipimo vya damu huweza kuonyesha kiasi kikubwa sana cha madini ya kashiamu na uric acid.
  • vipimo vya mkojo; hivi huweza kuonyesha kwamba mkojo wako unatoa madini mengi sana ambayo yanatengeneza mawe.
  • vipimo vya picha:vipimo vya utrasound, ct scan, xray na mri huweza kutumika kugundua mawe ya aina mbalimbali ambayo yanatokea kwenye figo.
Matibabu ya mawe ya figo.
mawe madogo: Haya yanaweza kutibiwa kwa kunywa maji mengi angalau lita tatu kwa siku na kutumia dawa za maumivu ili kupunguza uchungu wakati mawe hayo yanatoka.

mawe makubwa; kuna njia mbali mbali za kuondoa mawe makubwa lakini njia ya uhakika ni upasuaji ambapo mgonjwa hupewa dawa ya usingizi na  mawe kuondolewa.

jinsi ya kujizuia na ugonjwa huu.
kunywa maji mengi angalau lita tatu kwa siku, kula chakula chenye chumvi kidogo, punguza vyakula ambavyo vina mahusiano na kuugua ugonjwa huu kama bamia, spinachi, viazo vitamu, karanga, chai, chocolate na bidhaa za soya.

                                                                                STAY ALIVE

                                                          DR.KALEGAMYE HINYUYE MLONDO
                                                                      0653095635/0769846183

HII NDIO SARATANI YA UZAZI INAYOUA ZAIDI WANAWAKE.

Japokua saratani ya matiti, saratani ya shingo ya uzazi na saratani ya kizazi ndio zinashambulia zaidi wanawake, vifo vingi vinavyotakana na saratani havisababishwi na saratani hizo.
                                                                  
saratani ya mayai ya uzazi ni hatari kuliko saratani zote za uzazi ambazo unazifahamu, na ubaya wake ni kwamba huonekana ikiwa kwenye hatua za mwisho kabisa hivyo ukiona dalili zimeanza kutokea basi ujue ni hatua za mwisho za ugonjwa.

nini chanzo cha saratani ya mayai?
hakuna chamzo halisi kinachofahamika lakini vifuatavyo vinamuweka muhusika hatarini kuugua.
  • Historia ya saratani ya mayai kwenye familia yake.
  • kutozaa kabisa au kuzaa watoto wachache sana.
  • umri zaidi ya miaka 50
  • Rangi ya ngozi i.e wanawake weupe wanaugua zaidi kuliko weusi.

nini dalili za ugonjwa huu?
  • kuvimba tumbo
  • kupungua uzito
  • kukosa siku za hedhi
  • siku za hedhi kuvurugika
  • kukojoa mara kwa mara
  • kupata choo ngumu.
vipimo gani hufanyika kugundua tatizo?
  • utrasound
  • biopy i.e kukata sehemu ya nyama ya uvimbe na kupima maabara.
  • CT scan
  • MRI
  • X  RAY ya kifua
  • vipimo vya homoni na enzymes kama CA-125. Alpha fetoprotein, Human chorionic gonadotrophin hormone, lactate dehydrogenase.
 matibabu
 Matibabu ya ugonjwa huu ni upasuaji, mionzi na dawa...inategemea na hatua ya ugonjwa wenyewe.
Kwasababu wagonjwa wengi hupatikana kwenye hatua za mwisho basi wengi hufariki ndani ya miezi sita mpaka miaka mitano.

Jinsi ya kujizuia na ugonjwa huu.
Bahati mbaya hakuna njia iliyothibitishwa kuzuia ugonjwa huu, hivyo watu wengi ambao wana historia ya ugonjwa huu kwenye familia zao huamua kuondoa mayai na kizazi wakishamaliza uzazi.
Lakini pia matumizi ya dawa za uzazi wa mpango, kupunguza uzito, mazoezi na kula vizuri hupunguza hatari.

                                                         STAY ALIVE

                                DR.KALEGAMYE HINYUYE MLONDO
                                         0769846183/0653095635

FAHAMU RANGI 6 ZA UCHAFU WA SEHEMU ZA SIRI NA TAFSIRI YAKE.

Uke wa mwanamke sio mkavu, kuna maji maji ambayo yanatoka kila siku kuulainisha na kuulinda na mashambulizi ya magonjwa mbalimbali.
                                                                 

Sasa majimaji haya ukeni yani rangi mbalimbali ambazo zinakufanya wewe uweze kujua kama ni salama au sio salama kama ifuatavyo.
rangi ya maji; hii hutoka mara kwa mara sana kwa wanawake, rangi hii ni kawaida kabisa ambayo hutoka kufanya usafi, pia inaweza kutoka mwanamke akiwa kwenye siku zake za hatari, kipindi cha ujauzito au kukiwa kuna tatizo la homoni.
lakini kukiwa kuna tatizo la homoni kitaalamu kama hormonal imbalance maji haya huja na dalili zingine kama kukosa hedhi na kadhalika.

rangi ya kijivu; haya majimaji hutoka mwanamke anapokua ameshambuliwa na ugonjwa wa bacteria kitaalamu kama bacteria vaginosis, huambatana na dalili ya harufu kama kali ya samaki, kuwashwa sehemu za siri na maumivu wakati wa kukojoa.
kutokwa na majimaji haya huhitaji matibabu.

rangi nyeupe; uchafu wa rangi nyeupe kwenye uke unaweza usiwe dalili ya ugonjwa wowote ni kawaida kabisa kupata, lakini wakati mwingine majimaji meupe ni dalili za za fangasi lakini huambatana na kuwashwa sana sehemu za siri.

kijani na njano;  mara nyingi uchafu huu ni dalili ya magonjwa ya zinaa kama kisonono na trichomona, uchafu huu mara nyingi huabatana na harufu kali sana na maumivu wakati wa kukojoa na mgonjwa anahitaji matibabu kwani huweza kuleta ugumba siku za usoni.
                                                     
     
rangi ya pink; mara nyingi pink hua ni damu ambayo inatoka kidogo baada ya mimba kupadikizwa kwenye ukuta wa uzazi na  inaweza kua ni damu inayotoka kwenye mlango wa uzazi.
                             
rangi nyekundu; mara nyingi hii hua ni damu, inaweza kua damu ya hedhi, damu kutokana na ugonjwa kwenye mlango wa uzazi hasa bacteria,  saratani ya kizazi au mlango wa uzazi.
damu ya saratani ya mlango wa uzazi mara nyingi hutoka wakati wa tendo la ndoa.

mwisho; ni vizuri kuchukua hatua na kwenda hospitali pale unapoona majimaji au uchafu ambao hujawahi kuuona kwenye uke wako, kujitibu mwenyewe mara nyingi huchelewesha matibabu ya kweli na kufanya ugonjwa uwe mkubwa zaidi.

                                           DR.KALEGAMYE HINYUYE MLONDO

                                                        0769846183/0653095635